TULIA TRUST YAWAPA TABASAMU WANA-ITEZI
Taasisi ya Tulia Trust imetoa Msaada wa Viti Mwendo Vinne (4) kwa Watu Wenye Uhitaji Maalumu (Watu wenye Ulemavu) kata ya Itezi Jijini Mbeya.
Zoezi hilo la kukabidhi viti mwendo limefanyika katika Uwanja wa Gombe likiongozwa na Mkuu wa Wilaya ya Chunya Mrakibu Mwandamizi wa Uhamiaji Mhe.Mubarak Alhaji Batenga akimuwakilisha Mkuu wa Wilaya ya Mbeya Mjini Mhe. Beno Malisa.
Katika zoezi hilo Taasisi ya Tulia Trust inayoongozwa na Mkurugenzi Wake ambaye ni Rais wa Umoja wa Mabunge Duniani (IPU), Spika wa Bunge na Mbunge wa Mbeya Mjini Mhe. Dkt. Tulia Ackson pia imekabidhi Daftari kwa Wanafunzi wa Shule za Msingi Wanye uhitaji Kutoka mitaa minne ya Kata hiyo ya Itezi.
