Spika wa Bunge na Mbunge wa Jimbo la Mbeya Mjini, Dkt. Tulia Ackson, amewahamasisha mama lishe na wananchi kutumia nishati safi ya gesi badala ya kuni na mkaa.

Akizungumza Septemba 30, 2023, akiwa na wadau wa nishati safi ya gesi kutoka Kampuni ya Oryx, Dkt. Tulia alisema umefika wakati wa kuachana na matumizi ya kuni na mkaa, akisisitiza kwamba gesi ni njia bora na salama.

Dkt. Tulia ambaye pia ni Rais wa Umoja wa Mabunge Duniani (IPU), alifanya mfano kwa kupika chakula kwa gesi katika mgahawa uliopo Mtaa wa Uyole jijini Mbeya, kama sehemu ya kampeni ya kuhamasisha mama lishe na baba lishe kupika kwa nishati safi. Alisema kampeni hiyo ni kuunga mkono juhudi za Rais Samia Suluhu Hassan katika kuhakikisha Watanzania wanatumia nishati safi badala ya nishati zinazochafua mazingira.

Kwa upande wake, Meneja wa Miradi ya Nishati Safi kutoka Kampuni ya Oryx, Peter Ndomba, alieleza kuwa kampuni hiyo imekuwa ikisaidia makundi mbalimbali kupata nishati safi ya kupikia. Alisema kuwa, Tangu kuanza kampeni yetu, tumeshawezesha kutoa mitungi ya gesi na majiko zaidi ya 70,000 kwa mama na baba lishe.

Ndomba aliongeza kuwa Kampuni ya Oryx imejikita kusaidia kufanikisha ajenda ya Rais Samia Suluhu Hassan, inayolenga kuhakikisha asilimia 80 ya Watanzania wanatumia nishati safi ndani ya miaka 10. Alisema, Tumeungana na Dkt. Tulia, na amekuwa mfano wa kuigwa katika jitihada hizi. Kitendo chake cha kupika kwa gesi ni ishara kubwa kwamba matumizi ya nishati safi yanawezekana.

Akiendelea, Ndomba alieleza kuwa mama na baba lishe wengi bado wanategemea kuni na mkaa, hali ambayo inaweka afya zao hatarini. Tunafahamu kuwa Watanzania zaidi ya 33,000 wanafariki kila mwaka kutokana na matumizi ya kuni na mkaa. Kwa kuanzia na kundi la mama lishe, tunaweza kuokoa maisha mengi.

Ndomba pia aliongeza kuwa katika kipindi cha wiki tatu zilizopita, kampuni ya Oryx imetoa mitungi ya gesi 1,000 kwa mama lishe na baba lishe mkoani. Mbeya kama sehemu ya juhudi zao za kuhamasisha matumizi ya nishati safi nchini.

soma zaidi

Mbunge wa viti maalum mkoa wa Mbeya Suma Fyandomo, amesema mashindano ya ngoma asili yanayoendelea jijini Mbeya yameibua ari na nguvu kwa vikundi na wasanii kuendelea kutoa burudani kupitia ngoma asili ambazo zilionekana zikiendelea kufifia kutokana na nguvu ya muziki wa kizazi kipya (Bongo flava). Ameeleza hayo wakati akiongea Ayo TV pamoja na Millardayo.com jijini…

Mbunge wa viti maalum mkoa wa Mbeya Suma Fyandomo, amesema mashindano ya ngoma asili yanayoendelea jijini Mbeya yameibua ari na nguvu kwa vikundi na wasanii kuendelea kutoa burudani kupitia ngoma asili ambazo zilionekana zikiendelea kufifia kutokana na nguvu ya muziki wa kizazi kipya (Bongo flava).

Ameeleza hayo wakati akiongea Ayo TV pamoja na Millardayo.com jijini humo wakati shindano la ngoma asili likiendelea ambapo amesema kitendo cha Dkt.Tulia Ackson Mbunge wa Jimbo la Mbeya Mjini na Spika wa Bunge la Tanzania kuipa nguvu ngoma asili kumeendelea kudumisha utamaduni wa ngoma.

“Kwa namna anavyoandaa mashindano ya ngoma anadumisha utamaduni ambao ni asili yetu unajua kwa kipindi kirefu sana ngoma hizi ni kama zilififia lakini sasa hivi amerejesha furaha tena kwasababu zile ngoma zote zilizopo kwenye wilaya zetu zinaibuka na hawaishii hapa tu, wakirudi kwao wanaendelea kudumisha ngoma ambao ndio utamaduni wetu”amesema mbunge Fyandomo

Awali mkuu wa mkoa wa Mbeya Juma Homera akizindua jukwaa hilo la utamaduni “TULIA TRADITIONAL DANCE FESTIVAL 2024” yanayofanyika uwanja wa ndege wa zamani ikiwa ni msimu wake wa nane amesema wanambeya wanakila sababu ya kuendelea kuiunga mkono serikali pamoja na mbunge wao kutokana na jitihada kubwa za maendeleo wanazofanya kwenye mkoa huo huku pia akitoa wito wananchi kujitokeza kwenye chaguzi zinazokaribia.

“Ndugu zangu wabunge wetu wanaendelea kufanya kazi kubwa ndio maana hospitali ya kanda tumeendelea nayo,tunajenga barabara ya njia nne na Mh Rais amemlipa mkandarasi Bil.tisa kwa heshima ya Dkt.Tulia na wana mbeya,soko matola tumevunja pale tunajenga soko la kisasa na stendi mpya ya kisasa hapa”amesema Homera

Tamasha hilo la ngoma asilia lililoandaliwa na Taasisi ya Tulia Trust linahusisha vikundi zaidi ya 150 kutoka maeneo mbalimbali ya Tanzania limepelekea kuwa na ushindani mkubwa kutokana na umahiri wa vikundi vilivyojitokeza ambapo baadhi ya washiriki ikiwemo ngoma ya Mganda kutoka mkoani Njombe wamemshukuru mbunge wa Mbeya mjini Dkt.Tulia kwa kuwatengenezea fursa ya ushindani.

soma zaidi

Muktasari:

Benja imetwaa ubingwa huo baada ya kuichapa Mbeya Smart Soccer Academy kwa mabao 5-4 yaliyofungwa kwa penalti baada ya kumaliza dakika 90 zikiwa zimetoshana nguvu kwa sare ya bao 1-1.

TIMU ya soka ya Benja FC imetwaa ubingwa wa michuano ya Tulia Trust Uyole Cup 2024 iliyofikia tamati leo kwenye Uwanja wa Mwawinji, uliopo Uyole Mbeya Mjini.

Benja imetwaa ubingwa huo baada ya kuichapa Mbeya Smart Soccer Academy kwa mabao 5-4 yaliyofungwa kwa penalti baada ya kumaliza dakika 90 zikiwa zimetoshana nguvu kwa sare ya bao 1-1.

Michuano hiyo imefungwa na Naibu Waziri wa Utamaduni, Sanaa na Michezo, Hamis Mwinjuma ‘Mwana FA’ aliyekabidhi kombe na zawadi kwa bingwa na washindi wengine.

Mbali na kombe, bingwa huyo pia alizawadiwa kitita cha Sh 5milioni na medali.

Mbeya Smart Soccer Academy  iliyomaliza ya pili iliondoka na Sh 3milioni na medali na Rojas FC iliyomaliza ya tatu ikiondoka  na kitita cha Sh 2milioni na medali.  Mshindi wa nne, Chipukizi iliondoka na kitita cha Sh1 milioni huku mchezaji bora, kipa bora, mfungaji bora na timu yenye nidhamu kila moja ilizawadiwa Sh 100,000 na kikundi bora cha ushangiliaji kikiuawadiwa Sh 300,000.
Akizungumzia michuano hiyo, Naibu Waziri wa Michezo, Mwinjuma alisema inaongeza hamasa ya soka Uyole. “Tumeona namna timu zilivyohamasika na ushindani ulivyokuwa mkali hadi leo hii bingwa mpya amepatikana,” alisema Mwinjuma, huku akitoa pongezi kwa waandaaji na wadhamini wa Ligi hiyo iliyofanyika kwa msimu wa nne sasa ikishirikisha timu 32 na kudhaminiwa na Taasisi ya Tulia Trust Chini ya Mkurugenzi wake ambaye pia ni Rais wa Umoja wa Mabunge Duniani(IPU), Spika wa Bunge la Jamhuri ya Muungano wa Tanzania na Mbunge wa Mbeya Mjini, Dk Tulia Ackson.

Michuano hiyo ambayo msimu huu ni wa nne inafanyika chini ya Taasisi ya Tulia Trust inatarajiwa kuongeza zawadi kwa bingwa hadi kuwa mara mbili ya iliyotolewa msimu huu.

soma zaidi

Wananchi wamesisitizwa kutumia Nishati Safi ya Kupikia na kuachana na Nishati isiyo kuwa salama ili kulinda afya zao, kutunza mazingira pamoja na kuondokana na athari za kijamii na kiuchumi zinazotokana na matumizi ya kuni na mkaa.

Kauli hiyo imetolewa na Spika wa Bunge la Jamhuri ya Muungano wa Tanzania, Mhe. Dkt. Tulia Ackson wakati wa hitimisho la Tamasha la mashindano ya mapishi ya vyakula kwa kutumia Nishati safi ya kupikia ( Tulia Cooking Festival) lililofanyika Agosti 31, 2024 jijini Mbeya.

“Lengo la kuandaa Tamasha hili ni kuongeza uhamasishaji kwa jamii kuhusu elimu na matumizi ya Nishati Safi ya Kupikia na wote tunafahamu kwamba ajenda hii imebebwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan ambaye ni kinara wa Nishati Safi ya Kupikia Afrika na sasa ametambuliwa pia duniani kwa ujumla.” Amesema Dkt. Tulia

Ameeleza kuwa tamasha hilo limehusisha Mamalishe na Babalishe 1,000 ambapo amewapongeza kwa kutumia Jukwaa hilo ili kuhamasisha matumizi ya Nishati Safi ya Kupikia na kuzitaka taasisi mbalimbali nchini kuandaa matamasha kama hayo ili kuhamasisha matumizi ya nishati safi.

Aidha, amewapongeza wadau wa maendeleo kwa kudhamini Tamasha la Tulia Cooking Festival ikiwemo Kampuni ya gesi ya ORYX, Cocacola, EWURA na wadau wengine ambao wamewezesha elimu ya Nishati Safi ya Kupikia kufikia wananchi wengi zaidi.

Kwa upande wake, Naibu Waziri wa Nishati, Mhe. Judith Kapinga amesema Serikali imeandaa Mkakati wa Matumizi ya Nishati Safi ya kupikia ili kuhakikisha zaidi ya asilimia 80 ya Watanzania wanatumia nishati hiyo ifakapo mwaka 2034.

“Serikali inaendelea na jitihada mbalimbali za kuhamasisha Matumizi ya Nishati Safi ya Kupikia kwa kutoa mitungi ya gesi ambapo mwaka 2023 Serikali ilitoa zaidi ya mitungi 104,000 na mwaka huu inategemea kutoa mitungi 450,000.” Amesema Kapinga.

Ameongeza kuwa, nishati safi za kupikia zipo za aina nyingi ikiwemo gesi, umeme, majiko banifu na majiko mengine, pia amesisitiza kuwa nishati safi ni bora kwa kuandaa chakula kuliko nishati nyingine kama kuni na mkaa.

Kuhusu kupunguza bei ya gesi, amesema Serikali inaendelea na mikakati ya kuwasaidia watu wengi waweze kutumia nishati hiyo kwa gharama nafuu na amezitaka kampuni za gesi kuendelea kufanya ubunifu ili kuhakikisha wananchi wananunua gesi kwa kiasi cha fedha walichonacho.

soma zaidi

Na Esther Macha, Timesmajira Online, Mbeya

WATOTO watano waliokuwa wakiishi katika mazingira magumu waliopelekwa masomoni nchini Nigeria kwa ufadhili wa Taasisi ya Tulia Trust wamewasili nchini jana na kupokelewa katika uwanja wa Ndege wa Songwe tangu mwaka 2018.

Wanafunzi hao walifadhiliwa masomo na Mkurugenzi wa Taasisi hiyo ,Spika wa Bunge na Mbunge wa Jimbo la Mbeya mjini ambaye pia ni Rais umoja wa Mabunge Duniani (IPU)Dkt.Tulia Ackson .

Akizungumza na waandishi wa habari Agosti 16 mwaka huu mara baada ya mapokezi mmoja wa wanufaika wa ufadhiri huo ,Beauty Mwasolokoto amesema wanamfananisha Dkt ,Tulia kama Mshumaa unaowaka na kumulika mwanga mpaka unaisha.

“Mtu hawezi kuwa kiongozi kama hawezi kuwa na maamuzi ya kuacha vitu vyake vyote na kuweka watu wengine mbele hivyo Ndugu zetu watanzania tunaomba msaidieni Dkt.Tulia ni mtu anayeshika wasiojiweza na kuwanyanyua ili waweze kusonga mbele”amesema mmoja wa watoto hao Beauty Mwasolokoto.

Mwanafunzi mwingine Ayubu Mwaihola amesema kuwa Dkt.Tulia amekuwa msaada kwa wananchi wasiojiweza wakiwemo wanafunzi ambao uhitaji wao bado ni changamoto.

“Dkt.Tulia ametuongezea sisi ambao tulikuwa tuna maisha magumu kule kuvaa,kula,kulala vyote vilikuwa vigumu nikikumbuka niliambiwa Baba yangu alikufa kabla sijazaliwa kwa hiyo simjui baba nimelelewa na Mama ,kaka na Dada kwenda shule ilikuwa vigumu kutokana na mazingira magumu ya nyumbani,lakini Dkt Tulia alijitoa kunipeleka nchini Nigeria kusoma kuanzia kidato cha kwanza mpaka sita mpaka nimemaliza na kufaulu vizuri”amesema Ayub.

Kwa upande wake Meneja wa Taasisi ya Tulia Trust,Jackline Boaz amesema kuwa Dkt.Tulia aliwapeleka masomoni nchini Nigeria watoto watano ambao wanatoka katika mazingira kutoka mkoa wa Mbeya na Ruvuma.

“Leo tumekuja kuwapokea watoto wetu watano baada ya kumaliza masomo yao kwa muda wa miaka sita waliyo kaa huko nchini Nigeria ambapo walienda 2018 ,wakiwa wanaenda kuanza kidato cha kwanza na Sasa ni 2024 wamemaliza kidato cha sita hivi Sasa wamerudi kwa mapumZiko mafupi wararudi tena kwa ajili ya kwenda chuoni”amesema Meneja huyo.

Watoto waliopelekwa masomoni kwa ufadhili wa Tulia Trust chini ya mkurugenzi wake Dkt.Tulia Ackson ni Anna Shitindi ,Bernada Fuine ,Beautiful Mwasolokoto,Ayubu Mwaihola,
Suzana Mwakilima .

Baada ya mapokezi hayo walifika shule ya Sekondari ya Tulia Girl’s na Dkt.Tulia Sekondari na kukabidhi msaada wa MADAFTARI kwa watoto wanaoishi katika mazingira magumu katika Shule hizo ikiwa ni sehemu ya shukrani kwao kwa watoto wenzao wanaoishi katika mazingira magumu.

soma zaidi

Wanafunzi  watano waliokuwa wakisoma nchini Nigeria kwa ufadhiri wa Taasisi ya Tulia Trust chini ya Mkurugenzi wa Spika wa Bunge Rais wa Umoja wa Mabunge Duniani (IPU) wamewasili leo Ijumaa Agost 16 mwaka huu.

Mapokezi hayo yamefanyika katika Uwanja wa Ndege wa Songwe huku ndugu jamaa na viongozi mbalimbali walishiriki wakiongozwa na Meneja wa Taasisi ya Tulia Trust Jackline Boaz.

Akizungumza mara baada ya mapokezi hayo Jackline amesema vijana hao watano akiwepo wa kiume mmoja walikuwa wakiishi katika mazingira magumu na kwamba walipata ufadhiri kuanzia kidato cha kwanza mpaka sita katika moja ya shule nchini Nigeria.

“Wameishi huko kipindi cha miaka sita sasa wamerejea katika likizo fupi baada ya kuhitumu wakisubiri matokeo watarejea tena nchini humo kwa ajili ya kuendelea na elimu ya juu kwa ufadhiri wa Spika Dkt. Tulia” amesema.

Amesema kati ya wanafunzi hao watano wapo waliotoka Mkoa wa Ruvuma huku na kuweka bayana lengo Mkurugenzi wa Taasisi hiyo kuona watoto wenye mazingira magumu wanapata fursa ya kupata elimu bora.

Akizungumza huku akibubujikwa na machozi mara baada ya kugusa ardhi ya Tanzania mmoja wa wanafunzi hao Ayuob Richard (17) amesema Dkt. Tulia amemuinua kutoka chini kupanda juu kufuatia kutoka katika familia duni.

“Mimi tangu nizaliwe nimelelewa na mama nilielezwa baba yangu mzazi alifariki nimeishi maisha duni  mpaka Taasisi ya Tulia Trust kupitia Mkurugenzi wake Dkt. Tulia kuniokota na kunipeleka nchini Nigeria ambako nimesoma elimu ya kidato cha kwanza mpaka sita” amesema.

Naye Beauty Jafary amemfanisha Dkt. Tulia na mshumaa uliowashwa ukimulika na kuisha kwani ameweza kuwawezesha kutimiza ndoto zao kwa kuwatoa katika mazingira magumu na kuwapia fursa ya elimu nje ya nchi.

“Niwaombe watanzania Dkt. Tulia ni mshumaa tumlinde na kumnza kwa kumuonyesha upendo, ushirikiano ili aweze kutimiza ndoto yake kwa watanzania na kulifikisha taifa mbali.

https://mbeyapresstv.blogspot.com/2024/08/waliohitimu-elimu-ya-kidato-cha-sita.html

Taasisi ya Tulia Trust chini ya Mkurugenzi Wake ambaye ni Rais wa Umoja wa Mabunge Duniani (IPU), Spika wa Bunge la Jamhuri ya Muungano wa Tanzania na Mbunge wa Mbeya Mjini Dkt. Tulia Ackson imeandaa Mashindano ya Mapishi kwa Mama na Baba Lishe  Mbeya Mjini.

 

Mashindano hayo yanajulikana kama  Tulia Cooking Festival yanatarajiwa kufanyika mwishoni mwa Mwezi Agosti  2024 na  yakishirikisha washiriki 1,000 yenye kauli mbiu isemayo tumia nishati mbadala kuondoa uchafuzi wa mazingira.

https://mbeyapresstv.blogspot.com/2024/08/1000-kushiriki-mashindano-ya-mapishi.html

Waziri Mkuu Kassim Majaliwa leo Mei 11, 2024 ameshiriki katika tukio la mbio za Mbeya Tulia Marathoni 2024 zilizoandaliwa na Taasisi Isiyo ya Kiserikali ya Tulia Trust. Mbio hizo zilianzia na kuishia kwenye uwanja wa Sokoine jijini Mbeya Mei 11, 2024.

Baadhi ya viongozi walioshiriki mbio hizo ni Mke wa Waziri Mkuu Mary Majaliwa, Spika wa Bunge na Mbunge wa Mbeya Mjini Dkt. Tulia Ackson, Naibu Waziri wa Utamaduni, Sanaa na Michezo Hamis Mwinjuma, Wakuu wa Mikoa ya Njombe na Mbeya, Wabunge na Viongozi wa Vyama vya Siasa.